. .

 

 

_Kinderwelt
. .
.
  RUMMELPOTT   BRAUCHTUM
Zurück Thema
4.52
 
 

Aus der Privatsammlung von Herrn Mess / Fehmarn

De Rummelpött kamt
Wenn hüterdogs op'n Oljohrsabend de Rummelpött kamt, is nich mehr vel Staat mit ehr to maken. Wilk (Viele) kreiht'n Gesangbokvers, as wenn Swien steken wart, anner fangt an, Samba un Rumba to dansen, un noch anner springt rüm as'n kopplos Hahn. Freuher leg dor vel mehr Sinn in de oln Rummelpott-Leeder. De Lüd in Dörp wern mehr mit de Nawerschopp, ehr Arbnwark un mit Menschen un Veeh tosamknütt. Un so harn de Rummelpött vör all op de Bursteden ehr Sprak.
En von de öllsten fehmersch Rummelpott-Leeder wer de Rundsingel-Leed: "Wi wünsch uck . . ,"
De in Dörp rundgahn dehn harn sick von nern bett haben utschermeiert (l) un eegenmak Schabülkenkopp (2) vörbunn. Meist güngn dre tosam rund. En rummel mit de Pott, de anner gnark mit'n Reester, un de drürt slög mit'n holten Hamer an Grapendeckel. Dat mak Lärm mich, wenn se kem. Bin Singn leten se dat awer tössam angahn un maken nich so vel Radau.
Se süngn:
Goden. Abend! Goden Abend! in Stadt un opn Lann!
Hut stimmt wi Gesellen en, Singelleed an:

Wi wünsch uck, wi wünsch uck to Neejohr vel Glück,
to Eten un Drinken un allns hett sin Schick.

Wi wünsch uck, wi wünsch uck bi Lütt un bi Grot;
Husfreden, Gesundheit - vel Dalers in Schot.

Wi wünsch uck, wi wünsch uck bi'n Bur uller Knecht,
dat jeder sin Wark deiht un geiht rechten Weg.

Wi wünsch uck, wi wünsch uck bi Menschen un Veeh
alltied wat to Lewen un Warmniß in Pee (3).

Wi wünsch uck, wi wünsch uck vör Per Keuh un Swien,
dat se sund bliew un ansett - un godt bringt wat in.

Wi wünsch uck, wi wünsch uck in Lann Fred un Rauh,
keen Stried un keen Afgunst, keen Feend uns bedrau.

Wi wünsch uck, wi wünsch uck de Fröndschopp godt Fohrt!
Dat jeder sin Plich deiht un steiht vör sin Wort.

Wi wünsch bi de Arbeit godt Fortgang un Kraft,
dat jeder mit Freien, sin Warkeldag schaff.

 
Urheberrechtlich geschützt. Jede Form der gewerblichen Nutzung und Vervielfältigung ist untersagt.
© KALEIDOSKOPAJANIS 2006©