. .

 

 

_Kinderwelt
. .
.
  RUMMELPOTT   BRAUCHTUM
Zurück Thema
4.54
 
 

Wi wünsch uck de Grotköksch vel Glück bi de Free,
vor de Hochtied nich to vel lütt Kinnergeschree.

Wi wünsch uck, wi wünsch uck godt Wol, Flaß un Dok -
un uck nich to wenig von de Swien wat ut'n Rok.

Wi wünsch de Plogdriewer in Schapen vel Klümp
un dat he in nee Johr ut'n Puch beter kümmt.

Wi wünsch uck de Lüttköksch wat Godes op'n Weg,
dat se handgau un flink wart, denn glück ehr dat rech.

Wi wünsch dat de Hofhund an Knaken sick freit
un he nich to oft mit de Grüttsleew utneiht.

Wi wünsch uck, wi wünsch uck vör Kater un Katt
von allns wat to licken - un dat se wart satt,

Wi wünsch uck vor Ol un vor Jungn: Godt Neejohr!
Frisch Spee op de Tungn un de Ogen seht klor.

Wi wünsch uck de Ohmer (7) en Piep vull Toback
un Mörne (8) de wünsch wi en seut Mund vull Snack.

Wi wünsch hier in Dörpen bi all dat däglig Brot,
dat jeder tofredn is un nüms litt grot Not.

Wi wünsch alltosamen in Stadt un opn Lann
dat jeder sin Mat hett un utkamen kann.

Wi wünsch uck vor allen in Stilln bi uns sülbn,
dat Ji na Jo Willn uns de Kiepen wart fülln. Goden Abend!

Goden. Abend! glieks kümmt de nee Johr.
Un wenn he verbi is - denn sünd wi wer dor.

Worterklärungen; 1. ausstaffiert, 2. Gesichtsmaske, 3. im Fell, 4. Krügen, 5. hölzerner Butternapf, 6. mutig gehen, 7. Großvater oder Onkel,. 8. Großmutter oder Tante.
P. W.

 
Urheberrechtlich geschützt. Jede Form der gewerblichen Nutzung und Vervielfältigung ist untersagt.
© KALEIDOSKOPAJANIS 2006©